VOV4.Bahnar - An^h jang pơ gang dêh char Kon Tum ăn tơ băt, đơ\ng blu\ng sơ năm truh dang ei tơ\ dêh char âu đei hlo\h 400 ‘nu bơ ngai j^ chu\, mă lơ ‘no\h j^ hơ io\h.

J^ chu\ dang ei đ^ tơ po\h truh tơ\ 9 lơ\m 10 apu\ng, pơ lei tơm kơ dêh char. Apu\ng Đăk Hà j^ tơ ring đei bơ ngai j^ chu\ lơ hlo\h kơ dêh char Kon Tum hăm hlo\h 100 ‘nu bơ ngai j^. Đơ\ng ro\ng kơ ‘no\h j^ dôm apu\ng Đăk Tô, Đăk Glei păng Sa Thầy hơ la kơ 100 ‘nu.

Khei ‘năr tơ je# âu đei 6 an^h tơ po\h j^ chu\ tơ\ 3 pơ lei găh dôm xăh: Kroong, pơ lei tơm Kon Tum; Đăk Ang, apu\ng Ngọc Hồi păng Đăk Choong, apu\ng Đăk Glei. Krê ‘no\h 3 an^h oei đei j^ dơ\ng ‘no\h j^ dôm hnam trưng mâm non ngăl. Dêh char oei hăt tơ le\ch lơ trong jang tang găn j^, ưh ăn j^ tơ po\h xă.

Dơ\ng: Tơ blơ\