VOV4.Bahnar - Pơ gê ‘năr 2/11, Anih pơ gơ̆r jang tang găn jĭ COVID-19 dêh char Kon Tum tơ roi găh 10 ‘nu jĭ COVID-19 ‘nao, lơ̆m noh đei 1 ‘nu ‘noh nge drŏ kăn 2 năr. Nge drŏ kăn 2 năr đei hơ len lăng ƀôh jĭ SARS-CoV-2 lơ̆m ‘năr 1/11. Đei băt ‘mĕ sư ‘noh F0 đei pơ tôch hơ len lăng ƀôh jĭ SARS-CoV-2 lơ̆m ‘năr 31/10 âu ki. Dang ei nge drŏ kăn âu tŏk bŏk đei ăn oei hơ drô̆ hơ met tơ̆ Hnam pơ gang Đa khoa tơ ring Ngọc Hồi tơ̆ thị trấn Plei Kần, apŭng Ngọc Hồi, dêh char Kon Tum. Tơ̆ Kon Tum kŭm đei 2 ‘nu jĭ hơ lơ̆k dơ̆ng hăm SARS-CoV-2 ‘măng mă 1 păng 1 ‘nu jĭ hơ lơ̆k dơ̆ng hăm SARS-CoV-2 ‘măng mă 2.

        Thuem: Tơ blơ̆