VOV4.Bahnar - Têt Nguyên đán Kỷ Hợi 2019 âu ki jing Têt kăp g^t hloh kơ 29 unh hnam kon pơlei hăm 96 măt bơngai tơ\ pơlei rôp ka hơdang lơ\m dơnâu đak hnam kơmăi unh hơyuh Sê San 4, apu\ng xơlam teh Ia H’Drai, dêh char Kon Tum. Mă kăl noh đơ\ng ro\ng je# 10 xơnăm erih xơlăh lơ\m dơnâu đak, tơnap tap yuơ kơdâu xơlăh xơlang, âu jing xơnăm mă blu\ng kon pơlei tơ\ pơlei rôp ka đei xo# Têt tơ\ kông hăm hnam oei kơjăp ‘lơ\ng păng đei ho# khâuh hơdăh.

Đơ\ng ro\ng je# 10 xơnăm erih lơ\m dơnâu đak rôp ka hơdang tơ\ dơnâu đak hnam kơmăi unh hơyuh Sê San 4, âu jing ‘măng mă blu\ng unh hnam ‘nho\ng Nguyễn Tuấn Vũ đei xa Têt tơ\ kông, đei hnam oei kơjăp ‘lơ\ng păng đei măt ho# khâuh xơđơ\ng. ‘Nho\ng ăn tơbăt, noh duh jing tơdrong xo# xôn atu\m kơ 29 unh hnam kon pơlei tơ\ pơlei rôp ka hơdang lơ\m Têt Nguyên đán Kỷ Hợi 2019 xơnăm âu:  “Rim xơnăm xa Têt tơ\ plu\ng lơ\m đak đe\ch. Vih vơ\t lơ\m plu\ng hrăt hrot noh tơnap. Dang ei đei jơnu\m pơgơ\r tơring axong ăn hnam oei noh xo# xôn tơpă. Tơdrong xo# ưh kơ băt vă tơroi thoi yơ”.      

Xo# puih mak ‘nao, kon pơlei jang rôp ka hơdang ưh kơ hiơt tơdrong erih tơnap tap mă đe ye\t hlôi găn ga. Lơ\m tơdrong jang erih xa, đe ye\t đơ\ng lơ pơlei pơla phara băl nhen An Giang, Đồng Nai, Thừa Thiên Huế… năm oei tơ\ dơnâu đak Hnam kơmăi unh hơyuh Sê San 4 io\k tơdrong jang rôp ka vă chă erih xa. Lơ\m je# 10 xơnăm kơ âu, kon pơlei tơ\ pơlei rôp ka nhen le\ tơklăh hloi hăm tơpôl, pơm jang io\k yua tơm noh đơ\ng ka lơ\m dơnâu đak đe\ch noh adoi tơjra#m lơ tơnap tap.  

‘Nho\ng Nguyễn Văn Triều, pơlei tơm tơ\ An Giang ăn tơbăt, tơdrong erih kon pơlei jang rôp ka hơdang đei hơto\k [ơ\t khul kơdră anih jang dêh char păng anih vei lăng kon pơlei dêh char Kon Tum hao plu\ng năm truh tơ\ tơring, chă hơlen băt păng đei trong xek tơlang. Jơnu\m pơgơ\r xăh Ia Tơi, Anih vei lăng kon pơlei apu\ng Ia H’Drai, đei lơ tơdrong tơgu\m kon pơlei. Hơ iă hloh noh tôm 29 unh hnam kon pơlei adoi đei jơnu\m pơgơ\r tơring pơm trong hiôk chih măt erih xa xơđơ\ng. Blu\ng xơnăm 2018 rim unh hnam đei axong ăn 400m2 teh tơje# hăm dơnâu đak vă bơ\ hnam. Anih jang Măt tra#n tôh kuôk Việt Nam dêh char Kon Tum tơgu\m ăn rim unh hnam 50 triu hlj vă kon pơlei đei jên bơ\ hnam. Truh je# đ^ xơnăm 2018 hnam kơ 29 unh hnam kon pơlei hlôi keh đang tơtom ăn kon pơlei xơng xơnăm ‘nao Kỷ Hợi 2019. Adrol kơ Têt, jơnu\m pơgơ\r tơring duh keh đang trong tơlei unh, duih truh pơlei noh đon bơnôh kon pơlei xo# xxon hloh. ‘Nho\ng Nguyễn Văn Triều tơroi truh tơdrong chơt hơ iă ăh khei Têt âu: “Đơ\ng xơnăm 2012 truh dang ei xa Têt tơ\ đak ngăl noh ưh gan xo# ôh, dang ba ưh đei đe xơkơ\t đei măt. Dang ei đei teh đak xơkơ\t, đei hnam oei, đei tơgu\m ka yo\ng. Truh âu kơnh gô axong to\k io\k jên ăn 16 unh hnam yuơ Anih vei lăng kon pơlei xăh io\k tơgu\m. Xơnăm âu kon pơlei xơng minh pơyan Têt chơt hơ iă ‘nă hal keh kong hloh”.

Tơdrong erih pơtơm xơđơ\ng, xơnăm ‘nao 2019 duh gô pơkăp đei trong jang ‘nao lơ\m pơm jang. Đơ\ng tơdrong tơgu\m đơ\ng anih jang găh choh pơtăm dêh char  Kon Tum, truh je# đ^ xơnăm 2018 tôm unh hnam kon pơlei hlôi keh đang đei pơkăp rong ka lơ\m hơdrau tơ\ dơnâu đak hăm rim unh hnam đơ\ng dôm j^t m2 to\k tơ\ kơpal. Tơdrong tơguăt rôp ka lơ\m dơnâu păng rong ka hơdang hlôi jing tơpă. Che\p vei tơdrong ke\ đei găh cham char, tơdrong kăp g^t kơ pơlei rôp ka hơdang tơ\ tơring groi kông, minh [ar unh hnam kon pơlei atu\m pơjing khul jang xơng drơ\ng tơmoi truh tơmang tơ\ tơring rong ka hơdang, jong dôm tơmam xa kăp g^t kơ tơring nhen ka hơpă, ka lăng Sê San ‘nâu nai hia...

Đei ho# khâuh, đei hnam tơ\ kông, minh [ar unh hnam pơih anih te\ch tơmam kiơ\ tơdrong kăl pơm jang pơkăp đei yua xơđơ\ng. Tơroi truh tơdrong jang kơ xăh lơ\m tơdrong tơgu\m kon pơlei xơđơ\ng tơdrong erih, hơto\k mu\k drăm, [ok Chế Hồng Quyền, Kơdră Anih vei lăng kon pơlei xăh Ia Tơi ăn tơbăt: “Hăm kon pơlei kơ 29 unh hnam kon pơlei rôp ka hơdang tơ\ thôn 7 xăh Ia Tơi đei Teh đak tơgu\m đơ\ng lơ tơdrong jang pơkăp. Blu\ng xơnăm ‘nao xăh pơkăp bơ\ trong nơnăm tơring pơxe\l ‘nao. Xơnăm 2019 hăm rim unh hnam kon pơlei jang rôp ka hơdang đei tơgu\m vă to\k io\k jên jang rong ka hơdang. Xăh gô ako\m pơkă, bieh tơring axong hla bar pơkăp yua teh ăn kon pơlei vă xơđơ\ng jơhngơ\m pơm jang”.   

Têt Kỷ Hợi 2019 jing Têt kăp g^t hăm lơ unh hnam kon pơlei jang rôp ka hơdang tơ\ dơnâu đak Hnam kơmăi unh hơyuh  Sê San 4. Mă kăl noh kơlih đơ\ng ro\ng je# 10 xơnăm erih tơnap tap yuơ kơdâu xơlăh tơ\ âu tơ\ to, âu jing xơnăm mă blu\ng rim kon pơlei jang rôp ka hơdang đei xơng têt tơ\ kông hăm hnam kơjăp ‘lơ\ng păng đei ho# khâuh tro\ [lep. Oei minh tơdrong kăp g^t hloh noh Têt âu, ‘măng mă blu\ng rim unh hnam kon pơlei jang rôp ka đơ\ng lơ tơring phara băl truh ako\m păng đei lơ tơmam xa juăt jue kơ pơlei pơla po, hơvơn kon pơlei kueng [ôt păng jong ăn tơmoi g^t, nhen [anh têt bơ\ hăm toak, [anh pho\ng tôm ka linh An Giang; mè xửng, [anh ‘nâu nai hia, [anh [eo Thừa Thiên Huế; por hơna hăm đak măm, tơ[ăng iu\ pai hăm ‘nhot hla hiang  Đồng Nai păng lơ ‘nhot xa nai...

Xơnăm ‘nao hăm dôm tơdrong pơtơm jang ‘nao hiôk hian hloh, atu\m hăm lơ tơdrong xo# xôn ‘nao hlôi truh hăm kon pơlei jang rôp ka hơdang tơ\ dơnâu đak hnam kơmăi unh hơyuh Sê San 4 tơ\ xăh xơlam teh Ia Tơi, apu\ng  Ia H’Drai, dêh char Kon Tum.

Lan chih păng rapor