Kiơ̆ kơ ‘noh, ƀok Huỳnh Thế Mạnh - sơ̆ pơm Kơdră khŭl tơroi tơbăt dêh char Gia Lai, sơnăm ‘nâu 59 sơnăm, gô pơdơh hưu đơ̆ng ‘năr 1 khei 3 truh âu. Ƀok apĭnh pơdơh hưu lơ̆m khei ‘năr Khŭl tơroi tơbăt păng Khŭl krao hơvơn kon pơlei kơ Anih jang Đảng dêh char Gia Lai. Kŭm hăm ƀok Huỳnh Thế Mạnh, ƀok Dương Dã - Phŏ Bí thư chĕp kơ̆l pơgơ̆r Anih jang Đảng Grŭp dôm anih jang păng anih mơdro sa dêh char păng ƀok Huỳnh Tấn Đoan - Phŏ Bí thư anih jang Đảng Grŭp dôm anih jang păng anih mơdro sa dêh char kŭm đei Khŭl chĕp kơ̆l pơgơ̆r Anih jang Đảng dêh char Gia Lai kŭm roi tơbăt hơdăh tơdrong tơchơ̆t pơdơh hưu hơdrol kơ sơnăm pơdơh.

Tơdrong dôm kang ƀô̆ găh Anih jang Đảng dêh char Gia Lai vei lăng apĭnh pơdơh hưu hơdrol sơnăm pơdơh tơƀôh jơhngơ̆m jang tơnăp, chu lê̆ hơnih ăn tơdrong proh hơmet ‘nao vă pơm tŏ sĕt bơngai jang, hơtŏk đei yua, jơnei đơ̆ng khŭl jang.