Kiơ̆ đơ̆ng hơlen năng, Trung tướng Nguyễn Bá Lực chih răk păng tơchĕng ‘lơ̆ng đon kơchăng, tơnăp đơ̆ng khul chĕp kơ̆l đảng, ƀok yŏng Lữ đoàn 198 lơ̆m tơdrong pơtâp pơhrăm. Dôm tơdrong đei hơmet vă pơtâp pơhrăm ‘moi kiơ̆ tơdrong jang tơ̆ yăn âu, pơm ‘lơ̆ng chính quy, khoa hŏk păng sơđơ̆ng ‘lơ̆ng.

Phŏ Kơdră Anih tơm jang tơgŭm kơ khul linh kon pơlei Việt Nam athei Lữ đoàn hơnơ̆ng hơlen năng, hơmet pơ ‘lơ̆ng rim anih pơtâp pơhrăm; năng kăl tơdrong pơtâp, lăp hăm tơdrong jang tơ̆ yăn âu, sơđơ̆ng ‘lơ̆ng găh bơngai păng phao kơtoang. Ƀlep ƀât sơnăm ‘nao, Trung tướng Nguyễn Bá Lực thơ thou ăn đe kăn ƀô̆, linh Lữ đoàn Đặc công 198 mât 1 ƀơ̆r đon, hơmet pơ ‘lơ̆ng rim tơdrong pơmat tat, pơjei băl pơtâp pơhrăm rơgei, kơchăng tơblăh, jang đang ‘lơ̆ng rim tơdrong đei pơjao lơ̆m sơnăm 2026.