Tơ̆ jơ hơpăh tơmam, Khul châm hơlen tơroi ăn Anih pơgơ̆r yaih tơchơ̆t hơpăh 6 yaih A, 13 yaih B, 18 yaih C, 10 yaih kiơ̆ tơdrong jang păng 35 yaih pơčhơp jơhngâm ăn dôm ƀai chih rơgei ‘lơ̆ng. Lơ̆m noh, Radio nơ̆r pơma VN iŏk đei 1 yaih A, 1 yaih C păng 3 yaih pơčhơp jơhngâm.

Pơma tơ̆ jơ pơm lêh, Tổng Bí thư Tô Lâm pơma hơdăh, Hop akŏm bơngai tang măt lơ̆m teh đak ‘măng mă 14 kơ Đảng jĭ khei ‘năr gĭt kăl ‘nao lơ̆m 96 sơnăm Đảng chĕp kơ̆l kăch mang Việt Nam, tơdrong pơgơ̆r đang ‘lơ̆ng đơ̆ng hop akŏm mă 14 hlôi tơƀôh hơdăh đon hơpơi ‘mĕh, đon lui, đon pơhnŏng păng trong vă jang tŏk ‘nao đơ̆ng Đảng păng hơdrĕch hơdrung bơ̆n. Kŭm tơ̆ jơ pơm lêh Tổng Bí thư Tô Lâm, Thủ tướng Phạm Minh Chính, Kơdră Quốc hội Trần Thanh Mẫn kŭm hăm dôm kơdră chĕp kơ̆l Đảng, Teh đak hơpăh tơmam pơtrŏ păng ƀăng khen ăn dôm bơngai chih, grŭp chih iok đei tơmam hơpăh Mut, săng kô măih sơnăm 2025 păng 96 ‘nu bí thư chi ƀô̆ rơgei lơ̆m teh đak, atŭm hăm ‘nŏh tơlĕch tơdrong thi iok yaih Mut, săng kô măih ‘măng mă 11 sơnăm 2026.