Tơ̆ jơ sơng, Thủ tướng Phạm Minh Chính hơiă hăm khul dôm anih tĕch mơdro kơ Thụy Sỹ păng châu Âu truh tơ̆ Việt Nam đơ̆ng rŏng kơ Việt Nam pơgơ̆r đang ‘lơ̆ng Hop akŏm lơ̆m teh đak ‘măng mă XIV kơ Đảng, tơlĕch trong jang năm truh 100 sơnăm pơjing Đảng păng 100 sơnăm pơjing teh đak.

Hăm trong jang "Khul kơdră pơjing tơdrong ‘lơ̆ng, anih tĕch mơdro năm hơdrol, teh đak hăm kon pơlei vang yak hơdoi, teh đak jang tŏk pran, anih tĕch mơdro păng kon pơlei hiôk chơt", "ưh đei pơma ưh, ưh đei pơma pơmat, ưh đei pơma đei mă ưh kơ bơ̆ jang", Thủ tướng hơpơi ‘mĕh anih tĕch mơdro Thuỵ Sĩ păng châu Âu jang hơdoi hăm Việt Nam vă: "vang mơ̆ng lăng, hlôh vao băl đơ̆ng anih tĕch mơdro hăm teh đak păng kon pơlei; vang roi tơƀôh trong jang, pơgơ̆r bơ̆ jang hơdoi, tơgŭm băl jang tŏk hrĕnh păng kơjăp; vang jang, vang iŏk jơnei, vang đei yoa, vang jang tŏk hơdoi; chơt hơiă hơdai, hiôk chơt păng hưch hanh".