Tơ̆ anih chô̆ pơdah mă 1- Anih pơtơ̆p linh kơ Teh đak 4, Mỹ Đức, Hà Nội, Đại tướng Nguyễn Tân Cương, Kơdră dơnơm kơ Khul linh kon pơlei Việt Nam, Thư̆ trương Anih tơm pơgơ̆r khul linh truh akŏm. Tơ̆ anih chô̆ pơdah mă 1 hăm hloh 1.500 'nu linh, sih kuan, linh kon pơlei chĕp hla kơ đảng – hla kơ teh đak, đe drăkăn reh tơdra, khul sih kuan linh teh, linh duk, linh gre păr, đe kanh sat vei hơlen đak dơsĭ, linh drăkăn gah tơroi tơbăt, linh jang pơgang hơmet jĭ jăn, linh drăkăn vei sơđơ̆ng tơpôl Việt Nam, khul linh gre nar gre man, linh đăk kŏng, linh drăkăn tơring Tu, păng khul pơdah nai.

Hơlen ah 'măng akŏm pơtơ̆p Đại tướng Nguyễn Tân Cương bơnê kơ tơdrong kơ-'nôh pơhrăm đơ̆ng đe kang ƀô̆ khul linh, mă lei Kơdră jang tơgŭm ăn khul linh adoi tơbang gah minh ƀar tơdrong tam mă ƀlep kăl kơ hơmet ming. Khul akŏm pơrok lơ̆m lêh tơbăt vă pơdah dơ̆ng um ai nuih mơng kơ tơdrong Tơblah tih pơyan Puih mak sơnăm 1975, mă tơdrong tơm noh tơdrong tơblah tih Hồ Chí Minh hlôi đei jơnei keh kong ah 'năr dơ̆ng năr 30/4/1975.