Sơnăm 2024, Khŭl chĕp kơ̆l pơgơ̆r Đảng, Anih tơm pơgơ̆r Quân khu 5 hlôi chĕp kơ̆l, pơgơ̆r khŭl lĭnh Quân khu 5 tơlĕch jang kiơ̆ tơpăt, hrơ̆ch, đei yua dôm tơdrong tơchơ̆t, athei, tơdrong jang gĭt kăl đơ̆ng Quân ủy Trung ương, Anih tơm vei lăng khŭl lĭnh găh hơnăp jang khŭl lĭnh, vei lăng teh đak lơ̆m tơdrong ‘nao. Quân khu 5 jang hơdai hăm dôm dêh char, pơlei tơm chĕp kơ̆l pơjing hơnih tang găn, tơdrong jang iung tơblăh roi ‘năr roi ‘lơ̆ng.

Pơma tơ̆ hop akŏm, Thượng tướng Hoàng Xuân Chiến, Phŏ Kơdră Anih tơm vei lăng khŭl lĭnh athei akŏm vei lăng pơjing Quân khu 5 roi ‘năr roi pran kơjăp tôm tơdrong găh chĭnh trĭ, đon tơchĕng, pơm lăp hăm ‘meh vă hơnăp jang lơ̆m tơdrong ‘nao. Pơtho tơdrong joăt joe 80 sơnăm kơ Khŭl lĭnh păng hơmet ăn 80 sơnăm joăt joe kơ Khŭl lĭnh quân khu păng dôm tơdrong jang tih kơ teh đak mă ‘lơ̆ng vă đei đon nuih chĭnh trĭ kơjăp tơ̆ hơnăp rim tơdrong mơmat tat.