Pơma ah năr hơlen, Trung tướng Trương Thiên Tô chih akŏm păng hnam bơnê hăm tơdrong hơmet, hơlen kơchăng tơjră kơnê̆, pơhrăm păng vei lăng kih luơ̆t đơ̆ng Anih tơm Pơgơ̆r Khul linh păng Kơđông linh vei lăng sơlam teh đak kơ dêh char Đăk Lăk lơ̆m khei Têt Nguyên đan Ất Tỵ.

Ƀok Trương Thiên Tô pơgơ̆r hăm đe kang ƀô̆, khul linh kơ 2 anih linh pơtoi jang kơjăp kiơ̆ dôm tơchơ̆t, hơtŏk hơlen, kơchăng băt hơdah tơdrong đei ƀôh lơ̆m tơpôl, jang atŭm hăm grŭp jang nai vă sek tơlang tơnăp dôm tơdrong đei ƀôh vă vei sơđơ̆ng tơdrong hơrih ăn đe ƀô đô̆i, tơgŭm ƀô đô̆i pơchơt puih mak, sơng Têt sơđơ̆ng, hơ-iă păng mong răk.