Hop akŏm đei pơgơ̆r kơsơ̆ 3/3 tơ̆ anih bơ̆jang kơ Anih tơm vei lăng Jên hu hăm tơdrong vang truh akŏm đơ̆ng Phŏ Thủ tướng Hồ Đức Phớc păng Phŏ Thủ tướng Nguyễn Chí Dũng. Tơ̆ hop akŏm, Kơdră Anih jang Pơgơ̆r kang ƀô̆ kơ Anih tơm vei lăng jên hu hlôi đŏk hla ar roi tơbăt hơdăh tơdrong tơchơ̆t đơ̆ng Khŭl kơdră teh đak hơgăt hơnăp jang đơ̆ng Anih tơm vei lăng Jên hu đơ̆ng rŏng kơ tơmơ̆t hơdai, roi tơbăt hơdăh dôm tơdrong Tơchơ̆t đơ̆ng Thủ tướng teh đak pôk hơtŏk 5 Phŏ kơdră ‘nao iŏk hơnăp jang kơ Anih tơm vei lăng Jên hu. Phŏ  Thủ tướng Hồ Đức Phớc păng Nguyễn Chí Dũng hlôi pơjao tơdrong tơchơ̆t ăn kơ dôm Phŏ kơdră ‘nao Anih tơm vei lăng Jên hu.

Tơ̆ hop akŏm kŭm hlôi roi tơbăt hơdăh Tơdrong tơchơ̆t pơjing Đảng bộ Anih tơm vei lăng jên hu, Tơchơ̆t athei vang jang lơ̆m Khŭl chĕp kơ̆l, Khŭl pơgơ̆r, Bí thư, Phŏ Bí thư Đảng Anih tơm vei lăng Jên hu jăl jang 2020 – 2025, đơ̆ng rŏng ‘noh roi tơbăt hơdăh dôm tơdrong Tơchơ̆t pôk hơtŏk Kơdră chĕp kơ̆l kơ 35 anih jang tơm găh Anih tơm kŭm nhen pơjao tơdrong tơchơ̆t ăn kơ dôm kơdră chĕp kơ̆l anih jang ‘nao iŏk hơnăp jang.