Tơrĕk hloh lơ̆m kơsô̆ âu, đei ƀar 'nu jang lơ̆m Anih jang Tĭnh uy noh yă H’Lim Niê, Kơdră Anih jang Tuyên yăo Tĭnh uy, păng yă H’Kim Hoa B’Yă, Kơdră Anih jang Hơvơn kon pơlei kơ Tĭnh uy. Atŭm hăm noh, oei đei ƀok Rơ Lan Vôn Ga, Ƀĭ thư Huyên uy M'Drak, păng 3 kang ƀô̆ nai noh kơdră, phŏ kơdră kơ dôm anih jang. Adoi kiơ̆ kơ ƀok Hải, đei 3 'nu nai hlôi pơtruh nơ̆r hăm Jơnŭm pơgơ̆r jang Tĭnh uy gah tơdrong pơm hla bar apinh pơdơh kơ jang kiơ̆ tơchơ̆t.

Ƀok Nguyễn Thượng Hải ăn tơbăt dơ̆ng, dôm hla bar pơtruh apinh pơdơh kơ jang adoi đei drơ̆ng nơ̆r hăm tơdrong akhan, đe kang ƀô̆, đảng viên âu 'meh vă pơm trong hiôk ăn khul kang ƀô̆ mơlôh hơtŏk tơ-iung tơnăp, atŭm hăm noh tơgŭm ăn tơdrong tơjur ƀiên chê̆, sơkơ̆t jơnŭm pơgơ̆r kơ dêh char hiôk hian hloh.