Kiơ̆ tơlĕch jang, 2 dêh char gô tơmơ̆t hơdai jing dêh char 'nao đei hơnăn krao Gia Lai, hăm anih jang chĭnh trĭ - hăn chĭn 'noh tơ̆ pơlei tơm Quy Nhơn. Dêh char Gia Lai 'nao đei hơgăt teh să hloh 21.576 km², kơsô̆ măt bơngai hloh 3,58 triu 'nu păng 135 anih jang hăn chĭn tơ̆ xah. Lơ̆m hop akŏm, dôm pah drơ̆ng nơ̆r hăm tơchơ̆t jơnŭm pơgơ̆r jang, asong kan ƀô̆ jang tơnăp đơ̆ng rŏng kơ tơmơ̆t hơdai, pơm trong ăn hơtŏk tơ-iung 'nao.

Ƀĭ thư Tĭnh uy Bình Định Hồ Quốc Dũng ră hơdah: tơdrong pơjing jơnŭm pơgơ̆r păng asong kan ƀô̆ jang athei hơlen mă tơnăp, vei sơđơ̆ng  nhen tơchơ̆t tơlĕch. Ƀĭ thư Tĭnh uy Gia Lai Hồ Văn Niên ăn tơbăt, tơchơ̆t jang hlôi đei drơ̆ng lăp đơ̆ng Trung ương, rim jơnŭm pơgơ̆r tơ̆ tơring truh rim anih jang chĭn trĭ - tơpôl. Jơnŭm jang vei lăng kon pơlei 2 dêh char adoi tơlĕch tơchơ̆t drơ̆ng nơ̆r hăm trong tơlĕch jang ou.