Tơbăt jơhngơ̆m đon hơ iă tơ̆ hơnăp dôm tơdrong atŏk tơ iung kơ Đan Mạch-mĭnh lơ̆m dôm teh đak hơnuk hơnoa păng hơrih sa hiôk hian hloh lơ̆m apŭng plĕnh teh, hăm tơdrong oei sa ‘lơ̆ng rŏ hơbŏ nhen hloh, kon pơlei Đan Mạch phăl hơlăng păng vei lăng năng tông cham char ‘lơ̆ng rŏ. Adoi tơbăt, yak mơ̆t lơ̆m chăl ‘nao, chăl atŏk tơ iung kơ hơdrĕch hơdrung, Việt Nam tok bŏk jang kiơ̆ hơmet pơ ‘lơ̆ng trong bơ̆ jang, khul jang chinh trĭ, khul vei lăng teh đak rim hơnih; adoi pơtrŭt kơtang iung jang tŏk tơ iung ‘nao; pơm hơtŏk kơtang jơhngơ̆m đon nuih mơng hơdrĕch hơdrung, jơhngơ̆m đon hơdrin, hưch hanh hơmanh bơnê hơdrĕch hơdrung, hơpơi ‘meh vă atŏk tơ iung teh đak. Kơdră chĕp pơgơ̆r Hơnih jang Tơbôl Kuô̆k hô̆i Đan Mạch sơkơ̆t hơdăh, Kuô̆k hô̆i Đan Mạch ling lang lăng kăl jang hơdoi hăm Việt Nam păng gô hơnơ̆ng đei dôm tơdrong tơgop vă ba tơgoăt tơgoăl jang hơdoi ‘lơ̆ng liĕm ƀar teh đak tŏk kơtang hloh dơ̆ng, roi năr roi tơpă, jơnei kơtang.