Lơ kon pơlei tah hla tơ̆ apŭng Văn Giang, dêh char Hưng Yên hmach bơnê kơ tơdrong jang tang găn păng tơjră xa pơjĭp kơnê̆ đơ̆ng Đảng, Jơnŭm pơgơ̆r teh đak lơ̆m khei năr âu ki. Tơdrong jang tang găn păng tơjră xa pơjĭp kơnê̆ hlôi tơgop tang găn, sut hŭt tơdrong xa pơjĭp kơnê̆, hơmet đon lui đơ̆ng kon pơlei hăm Đảng, Jơnŭm pơgơ̆r teh đak.

Tơ̆ jơ pơma dơnuh, ƀok Tổng Bí thư, Kơdră teh đak bơ̆n Tô Lâm ăn tơbăt, gô akŏm pơgơ̆r hơmet mă keh dôm tơdrong oei ƀôh, dôm tơdrong tŏk bŏk jang tam mă đang, tơdrong tơnap tap, tơhlăk tơhlĭn lơ̆m hơmet ming dôm tơdrong xa pơjĭp nhen sơkơ̆t mŭk drăm, sơkơ̆t kơjă mŭk drăm, tơgŭm gah khôi luơ̆t vă chă rôp dôm bơngai kơdâu klenh, akŏm iŏk mŭk drăm. Mă 2 noh gô pơtoi pơgơ̆r hơtŏk pran tơdrong chih akŏm păng pơkăp trong jang vă tang găn păng tơjră xa pơjĭp kơnê̆. Mă 3 noh gô akŏm pơgơ̆r jang kơtang vă jang đei jơnei kơjăp hloh tơđrong chă hơlen dăr lăng păng pơkăp jên asong jang kơ teh đak.