Lơ̆m 5 sơnăm âu ki, dôm khul druh dăm tơ̆ dêh char Đắk Lắk hlôi tơgŭm ăn 152 tơdrong iung jang xa đơ̆ng đe druh dăm; pơjing vă jê̆ 300 trong jang tơgŭm ăn druh dăm ưh pŭn ai; roi tơƀôh tơdrong jang ăn 27.000 ‘nu druh dăm. Tơdrong pơchôp druh dăm đei hue lăng truh tơ̆ tơring kon kông, tơring lui khop. Kiơ̆ đơ̆ng noh, tơmât dơ̆ng hlŏh 92.600 ‘nu druh dăm mât lơ̆m khul, tưk tơiung đei 15 khul lơ̆m dôm anih tĕch mơdro kơdih.
Druh dăm lơ̆m dêh char oei adrin vang bơ̆ jang lơ̆m dôm tơdrong jang pơyoa ăn tơpôl, bơ̆ jang tơgŭm yoa tơpôl. Lơ̆m 5 sơnăm âu ki krao hơvơn, mong akŏm jên tơmam, man ‘nao 72 tŏ hnam ăn bơngai pơmat tat; pơgơ̆r 290 ‘măng khăm hơlen jĭ, roi tơƀôh jơhngâm pran păng ƀơk đĕch pơgang, plang song hlŏh 37.400 tơpu pham tơgŭm ăn bơngai jĭ.
Viết bình luận