‘Măng tơmang sơkơ̆t hơdah trong jang drơ̆ng minh đơ̆ng Đảng, Jơnŭm pơgơ̆r teh đak Việt Nam hơnơ̆ng ‘măn ăn tơdrong jang tơnăp hloh păng lăng tơgĭt tơdrong hơtŏk tơbôl juăt jue, tơguăt tơguăl kăp gĭt păng jang hadoi tôm tơdrong Việt Nam - Lào; sơkơ̆t hơdah tơdrong tơgŭm pran kơtang păng tôm tơdrong đơ̆ng Việt Nam hăm tơdrong jang tơplih ‘nao, vei lăng păng hơtŏk tơ-iung teh đak Lào.

‘Măng năm tơmang truh teh đak Lào păng năm Hop akŏm Jơnŭm jang hadoi Ngĭ viê̆n AIPA ‘măng mă 45 đơ̆ng Kơdră Kuôk hô̆i Trần Thanh Mẫn păng Khul Kơpal kơ Kuôk hô̆i teh đak bơ̆n, sơkơ̆t hơdah sơnong jang đơ̆ng Kuôk hô̆i Việt Nam, kơchăng, hơbĕch hơbal, tơgop kăp gĭt lơ̆m tơdrong pơm jang kơ AIPA; atŭm hăm noh tơgŭm teh đak Lào jang sơnong pơm Kơdră AIPA; tơgop hơtŏk tơdrong tơbôl kăp gĭt, tơguăt tơguăl păng jang hadoi tôm tơdrong kơ 2 Đảng, 2 Jơnŭm pơgơ̆r, 2 Kuôk hô̆i păng kon pơlei 2 teh đak.