Đơ̆ng rŏng 4 sơnăm tơlĕch ming man 2 tơdrong kăp gĭt kơ Hnam pơgang Kuân đô̆i Trung ương 108 pơtơm tơmơ̆t pơm jang; rim anih ming man kơjung 8 tăl. Pơma ah lêh akŏm, ƀok Tổng Bí thư Tô Lâm pôk bơnê kơ dôm tơdrong mă Hnam pơgang Trung ương kuân đô̆i 108 jang đei jơnei, lơ̆m 75 sơnăm tơ-iung pơjing păng hơtŏk kơ khul thâi pơgang Hnam pơgang hlôi jang đei jơnei keh kong dôm kih thuơ̆t tơnap tap, dŏng hơrih lơ bơngai jĭ, đei lơ kih thuơ̆t hơgei lơ̆m tơring păng lơ̆m apŭng plenh teh.

Ƀok Tổng Bí thư adoi pơgơ̆r hnam pơgang hơnơ̆ng vei sơđơ̆ng păng hơtŏk tôm tơdrong 'lơ̆ng hơgei lơ̆m pơm jang; tơguăt kơjăp đơ̆ng hơmet jĭ jăn hăm tơdrong chă hơlen chih akŏm khua hŏk; hơtŏk jang hadoi lơ̆m kơpal teh lơ̆m chă pơtho bơngai jang hơgei, akŏm tơdrong hơgei gah tơdrong hơmet jĭ jăn păng tơdrong jang pơgang gơh hơgei, vă hơ-'nhăk tơdrong jang hơmet jĭ jăn ăn teh đak hơtŏk pran hloh dơ̆ng.