Pôk bơnê kơ dôm tơdrong jang đei jơnei tơgăl kơ pôk bơnê, Ƀok Tổng Bí thư Tô Lâm ră hơdah, khei năr truh, Kuân đoan athei pơtoi băt hơdah păng jang tơnăp Tơchơ̆t 35 đơ̆ng Anih tơm Chĭnh trĭ gah Hop akŏm đảng dôm jăl jang vă pơkăp ăn Hop akŏm bơngai tang măt jơ̆p teh đak 'măng mă 14 kơ Đảng. Akŏm hơmet păng pơgơ̆r keh kong hop akŏm Đảng dôm jăl jang đơ̆ng sơnăm 2025 - 2030, vei sơđơ̆ng rơngei hiôk hian, tơguăt tơguăl, drơ̆ng minh.

Tơguăt kơjăp tơdrong keh kong tôm jăl jang đảng hăm keh đang khul kang ƀô̆ păng anih jang, vei sơđơ̆ng đơ̆ng rŏng kơ hop akŏm, rim anih jang đảng tenh kuăng iŏk jang tơnăp sơnong pơgơ̆r anih jang găn hloh tơnap tap, keh đang tơnăp sơnong jang, tơgop pơjing anih jang đảng hlăng 'lơ̆ng kơjăp gah chĭnh trĭ, đon tơchĕng, hăm anih jang păng kang ƀô̆, pơjing anih jang kơjăp kơtang tôm tơdrong “yuk hơlâu, gơh hơgei”.

Atŭm năr, Ƀok Tổng Bí thư Tô Lâm truh hơpong păng pơm jang hăm Binh đoàn 15 gah tơdrong jang đei jơnei lơ̆m tơlĕch jang mŭk drăm păng vei sơđơ̆ng tơpôl teh đak.