Tơ̆ 'măng hop akŏm, ƀok Tổng Bí thư pơgơ̆r rim bơngai jang lơ̆m Jơnŭm pơgơ̆r lơ̆m tơdrong tơlĕch pơm jang athei tơnăp, kơchăng jang kơjăp hăm dôm anih jang đei tơrĕk vă vei sơđơ̆ng tơdrong jang drơ̆ng minh păng tenh kuăng, tang găn tơdrong hơlơ̆k hơle, pơgăn dih băl, kiơ̆ pơkăp 'noh Jơnŭm pơgơ̆r jang ưh đei jang ăn sơnong jang kơ dôm Anih jang tơm.

Tơgop nơ̆r gah tơdrong pơm jang lơ̆m sơnăm 2025, ƀok Tổng Bí thư drơ̆ng nơ̆r hăm 10 sơnong jang tơm păng 18 sơnong jang hơdah kơ Jơnŭm pơgơ̆r jang, athei pơtoi pơkăp dôm sơnong jang đei ƀôh lơ̆m tơdrong hơrih; mă kăl lơ̆m jăl 1/2025 rim Anih jang tơm, anih jang kơpal athei chih akŏm pơkăp tơdrong pơm jang kiơ̆ Tơchơ̆t  57 đơ̆ng Anih tơm Chĭnh trĭ gah hơtŏk khua hŏk, kŏng ngê̆, tơplih 'nao gơh hơgei păng tơplih kơsô̆ kơ teh đak vă vei sơđơ̆ng hơtŏ tơdrong pơyua đơ̆ng anih jang mŭk drăm păng kon pơlei.