Ƀok Tổng Bí thư Tô Lâm ăn tơbăt, sơnăm 2024, tôm 15 tơchơ̆t dơnơm gah hơtŏk mŭk drăm – tơpôl kơ teh đak bơ̆n adoi đei jơnei păng hloh kơ tơchơ̆t tơlĕch; lơ̆m noh GDP tŏk hloh 7%, jên pơm jang mŭk drăm đei yua jê̆ 500 tih đôlar, tơmơ̆t lơ̆m jên mong teh đak đei jê̆ 2 triu tih hlj. Lơ̆m tơdrong jang đei jơnei hơtŭm kơ teh đak, đei dôm tơdrong tơgop kăp gĭt đơ̆ng khul Kŏng an kon pơlei, đe kơdră Đảng, Teh đak, đe Kơdră so sơ̆ kơ Anih tơm Kŏng an, kang ƀô̆ kŏng an kơpal hlôi pơdơh kơ jang.

Ƀok Tổng bí thư ră hơdah, sơnăm Ất Tỵ - 2025 'noh kăp gĭt hloh kơ layơ, khul Kŏng an kon pơlei athei pơtoi yuk hơlau lơ̆m pơm kiơ̆ tơchơ̆t đơ̆ng Đảng, hơpơi đe kơdră so sơ̆, kang ƀô̆ Kŏng an kon pơlei kiơ̆ dôm jăl jang pơtoi tơbang sơnong jang dơnưp 'lơ̆ng tơ̆ anih oei xa, atŭm jơhngơ̆m, iŏk yua jơhngơ̆m pran hơtŭm vă pơjing, hơtŏk păng vei lăng teh đak.