Pơgê năr 28/4, tơ̆ pơlei tơm Đà Lạt, Hơnih bơ̆ jang Trung ương pơgơ̆r hop akŏm tơbăt hơdăh tơdrong tơchơ̆t đơ̆ng Hơnih tơm Chinh trĭ găh bơ̆ jang kang ƀô̆. Tơ̆ hop akŏm, ƀok Đỗ Trọng Hưng, Kơ iĕng Kơdră hơnih bơ̆ jang Trung ương, tơbăt hơdăh tơdrong tơchơ̆t pôk ƀok Y Thanh Hà Niê K'đăm vang mơ̆t jang lơ̆m Khul kơdră chĕp pơgơ̆r păng iŏk jang Bí thư Đảng dêh char Lâm Đồng jăl jang 2020-2025. Ƀok Y Thanh Hà Niê K'đăm, hơdrung Ê Đê, pơlei Dak Lăk, dang ei ‘noh Kơdră jang lơ̆m Trung ương Đảng, Kơdră chĕp pơgơ̆r Jơnŭm vei lăng kon kông kơ Kuô̆k hô̆i jăl XV. Jei tơ̆ hop akŏm ou, ƀok Lê Minh Hưng tơroi tơbăt tơdrong tơchơ̆t ăn ƀok Nguyễn Thái Học, Bí thư Đảng dêh char Lâm Đồng, tŏk bơ̆ jang Kơ iĕng Bí thư Đảng ủy Trung ương Mặt trận Tổ quốc Việt Nam păng rim khul jang Trung ương jăl jang 2020-2025.