Kiơ̆ tơdrong yoch, Rơ Châm Grông (rơneh sơnăm 1961, bơngai Jarai, oei tơ̆ pơlei Krăi, thĭ trâ̆n Phú Hòa, apŭng Chư Păh) ƀơm Rơ Châm Kút (dang ei tŏk bŏk oei hơrih tơ̆ teh đak Mih) tơdui vang akŏm lơ̆m khul pơm kơnê̆ “Tin lành Đê Ga” hăm hơnăn 'noh “Sang Pơpu Ana Cữ”. Rơ Châm Grông hlôi hăt hot pơgơ̆r dôm tơdrong hop akŏm tơ̆ apŭng Chư Păh păng Ia Grai đơ̆ng sơnăm 2020, vă pơjing khul, asong tơdrong jang păng pơm lơ tơdrong tơjră kơnê̆.

Bơngai pơm yoch ou lơ 'măng iŏk jên, tơmam drăm đơ̆ng teh đak đe pơtruh vă pơm jang tơdrong chă tơklah phă tơpăi tơdrong tơguăt tơguăl kon pơlei, pơm tơsŭl tơsăl tơpôl chinh trĭ tơ̆ tơring. Jơnŭm sek tơlang sơkơ̆t hơdah, tơdrong mă Rơ Châm Grông pơm noh hli hlơt tơpă, pơm glăi kơtă truh tơchơ̆t tơguăt tơguăl kon pơlei. Jơnŭm sek tơlang hlôi pơkăp phak sư 7 sơnăm oei lơ̆m hnam pơnă.