Tơdrong jang yua đơ̆ng Anih tơm pơgơ̆r Ƀô̆ đô̆i vei lăng tơring sơlam dêh char Kon Tum jang hơdai hăm khŭl kơdră kŭm hăm rim khŭl grŭp tơring pơgơ̆r, hlôi hơnhăk Têt hrôih truh hăm kon pơlei tơring sơlam. Đơ̆ng pơgê hrôih, lơ lap kon pơlei đơ̆ng 11 pơlei kơ xăh sơlam Ia Đal akŏm tơ̆ hơnih pơgơ̆r tơdrong jang. Tơ̆ âu kon pơlei vang jang lơ tơdrong jang chơt hơiă Têt, nhen pơlong nŭng rơ̆ ƀĕng chư̆ng, pơlong klơ̆m còn, pơdŭng băl, tŭn ‘long....

Dôm ŭnh hnam mơnat tat đei kang ƀô̆ khŭl lĭnh vei lăng tơring sơlam roi tơƀôh truh “Kơdeng tơmam ưh kơ hoach jên” vă rơih hơbăn ao ‘nao, iŏk phe, đak kho, đak măm, ƀôt ngot. Tơ̆ tơdrong jang, khŭl lĭnh vei lăng tơring sơlam păng khŭl kơdră tơring hlôi pơjao asong 400 hla kơ Teh đak, hloh 250 tơpu tơmam, 400 kăp ƀĕng chư̆ng, pơjao hŏk ƀŏng ăn kơ 9 ‘nu oh hŏk tro găh Tơdrong jang “Tơgŭm oh truh tơ̆ hnam trưng”, tơdrong jang “Kon rong kơđông lĭnh sơlam”; pơjao rơmo yŏng tơgŭm 2 ŭnh hnam dơnuh hin hơtŏk tơiung jang sa... Akŏm kơjă jên tơmam hloh 350 triệu hlak jên.