Tơ̆ jơ bơ̆ jang, tang măt ăn Kŏng ty Hơnih 2 trong gre treng Trung Quốc ‘meh vă dêh char Lâm Đồng tơroi tơbăt trong pơprŏ jang đei ƀơm truh jăl trong gre treng Đà Lạt - Tháp Chàm, pơjing rơvơn vă hơnih dăr lăng, tơlĕch jang kăl vă pơm pơkeh dôm hla bơar chih tơbăt hơdăh tơdrong kĕ jang vă đei iung jang hloi tơdrong vă jang ming hơmet trong gre treng ou. Kŏng ty Hơnih 2 trong gre treng Trung Quốc jei apĭnh athei dêh char Lâm Đồng ăn asong năm dăr lăng, pơma dơnuh găh tơdrong jang hơdoi vă tơlĕch iung jang tơdrong vă jang pơih să cham gre păr apŭng plĕnh teh tơgoăt Đà Lạt – Singapore, Đà Lạt – Siem Reap păng mĭnh ƀar teh đak Đông Bắc Á nhen Nhật, Hàn Quốc. Kiơ̆ đơ̆ng ƀok Trần Hồng Thái - Kơdră chĕp pơgơ̆r Hơnih jang vei lăng kon pơlei dêh char Lâm Đồng, tơdrong hơmet ming trong gre treng Đà Lạt – Tháp Chàm adoi nhen pơih să cham gre păr apŭng pĕnh teh jĭ tôch kơ kăl, trŏ lăp hăm trong pơprŏ hlôi đei kĭ tơchơ̆t.