Dôm tơdrong jang hơdoi đei: Jang hơdoi chă tơchĕng hơlen, pơtho tơbăt kmăi kmŏk hơgei lơ̆m jang sâu riêng tơ̆ Dak Lăk; jang hơdoi vang jang hơmet pơ ‘lơ̆ng mĭnh ƀar tơdrong kih thuơ̆t, rơgoh ‘lơ̆ng tơmam drăm, đei hram mơ̆t rim kơchơ̆t lơ̆m plei sâu riêng, sơdrông pơrang pơrăm; jang hơdoi pơtho pơjing, hop akŏm pơma dơnuh, pơtho pơhrăm, pơrô̆ pơrôp tơbăt kơtang vă lang să rim tơdrong jơnei jang hơdoi găh sâu riêng lơ̆m dêh char. Tơdrong tơm kơ tơdrong jang ‘noh vă chă tơchĕng hơlen, iung jang hơdoi hơmet pơ ‘lơ̆ng kơchơ̆t Cadimi păng rim kơloăi pơgang gram lơ̆m teh; pơjing tơdrong pơkăp kih thuơ̆t jang sâu riêng kơ Dak Lăk; chă tơchĕng hơlen rim hơdrĕch hơdăh păng chĕng tơring ‘lơ̆ng ăn pơtăm sâu riêng lơ̆m dêh char.