Pơlei pơm miê̆n Chi Lăng tơ̆ phường Khánh Xuân, plt Buôn Ma Thuột, dêh char Đắk Lắk “unh điên hơdăh” prăt măng, prăt năr vă “pơm tơmam” tĕch ƀât Têt. Ƀok Hà Văn Thích, 1 lơ̆m dôm unh hnam đei hlŏh 20 sơnăm pơm miê̆n tơroi: Sơnăm ‘nâu, dôm hla ar apinh răt tơmam ƀât Têt tŏk dang 40% pơting hăm năr hmă păng tŏk 10% pơting hăm sơnăm adrol sơ̆. Vă pơm lăp hăm tơdrong ‘mĕt răt yoa đơ̆ng kon pơlei, anih pơm miê̆n hnam ƀok athei hơtŏk khul jang, bơ̆ jang tơ̆ kơmăng hloi vă tơtom pơjao tơmam ăn kơ đe adrol kơ Tết Nguyên đán.

Hăm Công ty jang hơdoi Ban Mê Green Farm, 1 anih juăt pơtăm păng tĕch pro preng tơ̆ Đắk Lắk oei hăt phĕ plei vă tĕch ƀât Têt ‘năi. Kŭm hăm tĕch plei pro preng, công ty oei hơnhăk tĕch lơ tơmam pơm đơ̆ng pro preng nhen: Đak pro preng tăh lơ̆m kơ hôp, pro preng pơ kro, đak măm pro preng, tôch lăp vă pơm tơmam tĕch mơdro, hơpăh ăn băl ƀât Têt.