Sơnăm 2025, dêh char Dak Lăk lăng tơdrong atŏk tơ iung dữ liệu kơsô̆ ‘noh tơdrong jang kăl hloh lơ̆m jang kiơ̆ tơplih kơsô̆ tơ̆ dêh char. Vă jang kiơ̆ trong tơlĕch jang kơtang ou, Hơnih vei lăng kon pơlei dêh char hlôi tơlĕch Tơdrong tơchơ̆t kĭ pơkăp Tơdrong vă jang “Tơplih kơsô̆ dêh char Dak Lăk-Lăng atŏk tơ iung dữ liệu kơsô̆ pơm tơdrong tơm-sơnăm 2025”. Tơdrong tơm kơ Tơdrong chă jang ‘noh lăng atŏk tơ iung dữ liệu kơsô̆ pơm jing tơdrong tơm kơ tơplih kơsô̆; pơm hơyak pran, pơtrŭt kơtang atŏk tơ iung mŭk drăm kơsô̆, hơnăp jang kăl lơ̆m pơtrŭt kơtang tơplih kơsô̆ kơ dêh char lơ̆m sơnăm 2025 păng chăl truh ou kơnh. Atŭm hăm ‘noh, Dak Lăk pơtrŭt kơtang bơ̆ jang pơrô̆ pơrôp, pơtho tơbăt păng pơm hơtŏk jơhngơ̆m đon hlôh vao kơ kang ƀô̆, bơngai jang găh hơnăp jang păng đei iŏk yoa ‘lơ̆ng hơ iă kơ dữ liệu kơsô̆ lơ̆m tơplih kơsô̆.