Đak Nông vă kăt tơjur tŏ sĕt hlŏh ‘nŏh 20% biên chê̆ đei xa jên khei teh đak lơ̆m 5 sơnăm. Yă Nguyễn Thị Thu Hường, Kơdră Anih jang Nội vụ dêh char Đắk Nông ăn tơbăt, dêh char oei adrin bơ̆jang kiơ̆ Tơdrong tơchơ̆t 18-NQ/TW trŏ trong tơlĕch. Kiơ̆ kơ ‘nŏh, dêh char đei trong vă găn pơtôch tơdrong jang tơ̆ 10 anih jang, khul grŭp tơ̆ dêh char; tơmât hơdai 10 anih jang kơpal jing pă 5.

Tơdrong hơmet ming kăn ƀô̆, mă loi jĭ bơngai chĕp kơ̆l tơ̆ dôm anih đei tơmât hơdai đei bơ̆ jang tơpăt ‘lơ̆ng, trŏ ƀlep, rơđăh rơđong păng ưh ăn đei tơdrong glăi, chă trong pơyoa ăn khul grŭp lơ̆m tơdrong hơmet ming khul bơngai jang păng kăn ƀô̆. Atŭm hăm ‘nŏh, trong hơmet ming đei pơjing ‘moi kiơ̆ hơnăp jang, tơdrong jang đơ̆ng khul grŭp, ƀiên chê̆, anih jang kơ dôm khul grŭp, anih jang adrol păng đơ̆ng rŏng kơ hơmet ming.