Hăm jơhngơ̆m đon jang hăt hot, tơpăt, dêh char Đắk Nông găh grŭp ‘lơ̆ng lơ̆m teh đak găh proh hơmet, pơgơ̆r khŭl jang tŏ sĕt bơngai. Kiơ̆ kơ ‘noh, Khŭl chĕp kơ̆l pơgơ̆r Đảng bộ dêh char Đắk Nông tơchơ̆t tơmơ̆t hơdai Khŭl tơroi tơbăt kơ Anih jang Đảng dêh char păng Khŭl krao hơvơn kon pơlei kơ Anih jang Đảng dêh char jing Khŭl tơroi tơbăt păng Krao hơvơn kon pơlei kơ Anih jang Đảng dêh char Đắk Nông jô̆ đơ̆ng ‘năr 1/3. Ƀok Lê Văn Chiến đei klăih song jang, pơm Kơdră khŭl jang.

Kŭm hăm tơdrong pơtôch bơ̆jang đơ̆ng Đảng bộ Grŭp dôm anih jang păng Anih mơdro sa, dêh char Đắk Nông pơjing Đảng bộ dôm anih jang Đảng dêh char Đắk Nông păng Đảng bộ Anih vei lăng kon pơlei dêh char Đắk Nông. Ƀok Lưu Văn Trung, Phŏ Bí thư chĕp kơ̆l pơgơ̆r Anih jang Đảng dêh char, Kơdră Jơnŭm pơgơ̆r kon pơlei dêh char đei athei pơm Bí thư Đảng ủy dôm anih jang Đảng dêh char Đắk Nông. Ƀok Hồ Văn Mười, Kơdră Anih vei lăng kon pơlei pơm Bí thư Đảng ủy Anih vei lăng kon pơlei dêh char Đắk Nông. Khŭl chĕp kơ̆l pơgơ̆r Anih jang Đảng dêh char Đắk Nông tơchơ̆t ăn yă Nguyễn Thị Thu Hường, Kơdră vei lăng Anih jang Nội vụ pơm Phŏ kơdră Khŭl pơgơ̆r anih jang Đảng dêh char đơ̆ng ‘năr 15/2/2025. Ăn ƀok Đỗ Tấn Sương - Kơdră Anih vei lăng kon pơlei pơlei tơm Gia Nghĩa năm bơ̆jang tơ̆ Anih jang Nội vụ vă Anih vei lăng kon pơlei dêh char Đắk Nông pôk hơtŏk pơm Kơdră vei lăng anih jang.