Lơ̆m dôm sơnăm âu ki, kơsô̆ kăn ƀô̆, đảng viên drŏ kăn tơ̆ Đắk Lắk jĭ thak si, tiên si, đei tôm tơdrong kăl vă pôk hơtŏk pơm kơdră chĕp kơ̆l lơ̆m dôm anih jang Đảng, teh đak tơ̆ jơ̆p tơring roi đunh roi lơ. Lơ drŏ kăn đảng viên jĭ tơ ‘ngla anih jang xa, tĕch mơdro jang xa rơgei, jang hơdoi atŏk tơiung mŭk drăm hăm vei kơjăp dôm tơdrong juăt ‘lơ̆ng, tơdrong jŏh ayŏ kơ dŏ xoang ‘lơ̆ng hơiă kơ hơdrĕch kon kông.

Tơ̆ âu, dôm bơngai tang măt chă pơđou dơ̆ng tơdrong juăt ‘lơ̆ng hơiă lơ̆m 95 sơnăm pơjing Đảng Cộng sản Việt Nam păng dôm tơdrong tơgop đơ̆ng rim jơhnơr, đơ̆ng đe drŏ kăn bơngai kon kông dêh char Đắk Lắk. 1,2 ‘nu drŏ kăn đảng viên rơgei găh lơ tơdrong jang vang pơma nuh, roi tơbăt găh hơnăp jang pơih trong, chong glung đơ̆ng đe drŏ kăn đảng viên lơ̆m khul kơdră chĕp kơ̆l păng krao hơvơn dro kăn, kon pơlei pơm kiơ̆ trong jang đơ̆ng Đảng, khôi luơ̆t teh đak. Tơdrong kăl đơ̆ng bơ̆jang, chă ƀôh, iŏk pơtho pơhrăm, pơjing khul jang, roi tơbăt đe drŏ kăn rơgei ăn Đảng, tơgop pơm hơtŏk hơnăp jang đơ̆ng đe drŏ kăn lơ̆m tơdrong pơjing Đảng, khul kơdră tơring; tơƀôh hơdăh hơnăp jang đơ̆ng đảng viên lơ̆m tơdrong hŏk pơhrăm, jang kiơ̆ jơhngâm đon ‘lơ̆ng Ƀok Hô. Ƀlep ƀât ‘măng mă âu, Anih pơgơ̆r hơpăh pơkao, tơmam, pôk pơ ư 50 ‘nu drŏ kăn đảng viên rơgei, đei lơ tơdrong tơgop lơ̆m dôm tơdrong jang tơ̆ Đắk Lắk.