Mă hơdăh, ƀok Nguyễn Trường Sơn, sơ̆ pơm Kơdră Anih vei lăng trong nơnăm, đei pôk pơm Kơdră Anih vei lăng ming man đơ̆ng rŏng tơmât hơdai hăm Anih vei lăng trong nơnăm. Dôm phŏ kơdră đei: ƀok Lý Tấn Toàn, ƀok Trần Đình Sơn, ƀok Hà Anh Thái. Ƀok Đỗ Việt Hưng, sơ̆ pơm Kơdră Anih tơlĕch nơ̆r sơkơ̆t tơmât jên jang, đei pôk pơm Kơdră Anih vei lăng jên hu dêh char đơ̆ng rŏng kơ tơmât hơdai hăm Anih vei lăng jên hu. Ƀok Lưu Trung Nghĩa, sơ̆ pơm Kơdră Anih vei lăng choh jang xa păng atŏk tơiung tơring tơrang, đei pôk pơm Kơdră Anih vei lăng choh jang păng cham char đơ̆ng rŏng kơ tơmât hơdai hăm Anih vei lăng tơmam drăm păng cham char. Ƀok Nguyễn Bá Thạch đei pôk pơm Kơdră Anih vei lăng hơdrĕch kon kông păng tơdrong lui khop. 

Tơdrong hơmet ming, pôk hơtŏk kơdră chĕp kơ̆l dôm anih jang kơpal tơ̆ dêh char Gia Lai đei lơ̆m trong jang hơmet ming, kăt tơjur bơngai jang, tŏ sĕt bơngai, jang rơgei, đei yoa đơ̆ng khul kơdră pơgơ̆r tơring kiơ̆ tơdrong tơchơ̆t đơ̆ng Trung ương.