Lơ̆m noh, ‘long bri brăh đei vă jê̆ 480.000 ha; bri ‘long pơtăm vă jê̆ 160.000 ha; oei đei dơ̆ng ‘nŏh teh pơtăm ‘long tam mă jing bri. Yơ̆p bri tơ̆ dêh char đei 41,09%, jô̆ atŭm đĭ đăng truh 47,59%.

Anih vei lăng kon pơlei dêh char Gia Lai pơma hơdăh tơdrong gĭt kăl đơ̆ng roi tơbăt bri ‘long hrei ‘nâu vă pơyoa ăn tơdrong vei lăng păng hơlen năng dôm tơdrong hơgăt găh bri ‘long. Atŭm hăm ‘nŏh, athei dôm anih jang kơpal roi tơbăt kơsô̆ chih jô̆ bri ‘long dang ei, pơm ‘lơ̆ng, rơđăh rơđong vă dôm anih jang, rim bơngai băt păng jang ‘lơ̆ng hơnăp jang kơdih. ‘Nâu jĭ tơdrong tôch gĭt kăl vă vei lăng bri ‘long kơjăp ‘lơ̆ng, pơm ‘lơ̆ng ăn dôm tơdrong jang tŏk mŭk drăm, tơpôl hơdai hăm vei lăng ‘lơ̆ng cham char bri brăh.