Gre huŏng tơ̆ thong âu đei kơsơ̆ 30/3, ƀât gre chơ tơmoi đei 45 tang dŏ (yoa bơngai huơ̆r N.V.L. 44 sơnăm, oei tơ̆ dêh char Bình Phước huơ̆r) chơ ba 36 ‘nu bơngai yak đơ̆ng Đà Lạt năm tơ̆ plt Hồ Chí Minh. Ƀât oei jur krang Bảo Lộc, găh thĭ trơ̆n Đạ M’ri, apŭng Đạ Huoai, dêh char Lâm Đồng ‘nŏh huŏng tơ̆ thong jrŭ 20m.

Đơ̆ng rŏng kơ đei tơdrong, Kanh sat vei lăng trong nơnăm, Công an dêh char Lâm Đồng păng dôm khul jang kơpal hlôi truh tơ̆ anih gre huŏng lơ̆m thong tơlĕch trong dŏng tơgŭm. Gre huŏng lơ̆m thong âu pơm ăn mŏ N.T.N.T (26 sơnăm, tơ̆ thĭ xăh Đồng Xoài, dêh char Bình Phước) lôch, 3 ‘nu bơngai nai rơka ăl đei khul dŏng tơgŭm chơ năm tơ̆ hnam pơgang, lơ bơngai nai rơka lăp ai, huei đei tơdrong kiơ. Adrol kơ huŏng lơ̆m thong, gre chơ tơmoi âu preh ƀơm kiĕng gre dơdơng kơdâu đơ̆ng păih to.