Lơ̆m jơ ‘năr dăr lăng tơdrong vă jang, khul bơ̆ jang kơ Hơnih jang hơdoi apŭng plĕnh teh Hàn Quốc (KOICA) hlôi bơ̆ jang hăm Hơnih vei lăng kon pơlei thĭ xah Buôn Hô, dêh char Dak Lăk kơsơ̆ brei (8/1). Ƀok Jung Jaewoo, Kơ iĕng Kơdră chĕp pơgơ̆r Hơnih bơ̆ jang KOICA Việt Nam tơbăt, ‘nou mĭnh tơdrong vă jang hlôi đei Khul kơdră Hàn Quốc kĭ tơchơ̆t hăm khei ‘năr iung jang kiơ̆ đơ̆ng sơnăm 2025-2029. Kmăi kmŏk pơm rơgoh đak ‘mê̆ ‘mach vă jê̆ đei tơ iung pơjing tơ̆ thĭ xah Buôn Hô dêh char Dak Lăk, ‘noh đei mĭnh Hơnih pơm rơgoh đak ‘mê̆ ‘mach lơ̆m 1 năr pơm pơ ‘lơ̆ng đei 1.500m3 đak păng rim hơnih jang ƀơm truh, rim đing đak pơro akŏm kơjung vă jê̆ 70km. Tơdrong tơm truh sơnăm 2032 gô đei 2.900 ŭnh hnam  trơ trơp đing, tơgop pơm tơjur tơdrong pơm kơnê̆ jơhngơ̆m jăn kon pơlei păng pơm dă ƀiơ̆ đei ‘mê̆ ‘mach ăn cham char kơ yuơ đak ‘mêm ‘mach đe pơro akŏm mĭnh hơnih păng hơmet pơ ‘lơ̆ng hơdrol vă pơchoh hŭt.