Tơchĕng hơdrol, lơ̆m Khei Hơdruh tơdăm sơnăm ‘nâu gô đei hloh 36 rơbâu 900 khŭl năm jang tơgŭm tơlĕch jang dôm tơdrong jang hơdruh tơdăm rim tơring, akŏm jên jang tơchĕng hơdrol ‘noh hloh 293 ti hlak jên.

Kăl kơ lăng truh, Khei hơdruh tơdăm sơnăm ‘nâu đei lơ tơdrong jang ‘nao nhen: tơlĕch jang dôm tơdrong jang tơgŭm bơ̆jang kiơ̆ tơdrong jang pơjei băl “Vang tơgŭm sut hnam pơm pơgia, hnam hiah hiok” tơ̆ jơ̆p lơ̆m teh đak lơ̆m sơnăm 2025; akŏm tơlĕch jang ‘măng pơjei băl "500 măng năr pơjei băl pơm đang 3.000 km trong gre kơdâu hrĕnh” tơgop bơ̆jang kiơ̆ tơdrong hơgăt hơtŏk tơiung trong nơnăm teh đak. Mă loi ‘noh jĭ dôm tơdrong jang gô akŏm lơ̆m bơ̆jang kiơ̆ đei jơnei tơdrong Tơchơ̆t 57 đơ̆ng Anih tơm Chĭnh trĭ găh jang pran hơtŏk tơiung khoa hŏk, kơmăy kơmŏk, tơplih ‘nao pơcheh hơgei păng tơplih kơsô̆ teh đak.