Tơ̆ hơnih đei ƀôh tơdrong sar bar kơtang pơm ăn 3 ‘nu kŏng nhân lôch 2 ‘nu kŏng nhân oei tŏk bŏk chă tam mă ƀôh, tơdrong tơchă oei hơnơ̆ng đĕch. Lơ̆m drơ̆m kơsơ̆ 31/12 khŭl lĭnh dŏng tơgŭm hăm bơngai joăt kơ môch đak kơ Kŏng an dêh char Kon Tum ‘nao chă ƀôh 1 păh hơkâu jăn kơ 2 ‘nu kŏng nhân tơ̆ hơla đak jrŭ jê̆ bơnơ̆ dơnâu đak pơm tơlĕch ŭnh điên. Mă đơ̆ng tôch kơ bơngơ̆t ră mă lei tơdrong tơchă dŏng sar bar hlôi athei pơdơh ‘mơ̆i lơ̆m gơnăng yua đơ̆ng măng mu păng ‘năr tôch kơ ngiĕt. Ƀok Lê Như Nhất, Kơdră Anih vei lăng găh Kơmăy kơmŏk mơdro sa dêh char Kon Tum roi tơbăt, kŭm hăm tơdrong jang tơchă 2 ‘nu kŏng nhân oei hiong dong.

Anih vei lăng kon pơlei dêh char kŭm hlôi athei dôm anih jang ƀơm truh hơmet pơ ‘lơ̆ng hiong răm păng băt hơdăh tơdrong tơm pơm ăn truh tơdrong sar bar mưh bơ̆jang. Anih jang Đảng apŭng Đăk Glei, roi tơbăt hăm tơdrong hơdrin tŭn hrĕnh tơdrong tơchă 2 ‘nu kŏng nhân oei hiong dong, vei sơđơ̆ng tơ̆ hơnih jang, khŭl kơdră tơring păng tơ ‘ngla tơmơ̆t jên jang pơm dơnâu đak pơm tơlĕch ŭnh điên Đăk Mi 1 jĭ Kŏng ti  Quang Đức Kon Tum kŭm tŏk bŏk hơnơ̆ng năm ngôi, pơlung ŭnh hnam dôm kŏng nhân tơƀơ̆p sar bar.