Hơnglŏng pơlei pơla, tơ̆k hơdah sơlam teh Gia Lai
Thứ tư, 14:22, 25/12/2024
Lan chih tơblơ̆
Lan chih tơblơ̆
VOV4.Bahnar - Binh đoàn 15 (Anih tơm vei lăng khul linh) 'nao pơjao tơdrong ming man “Hơnglŏng pơlei pơla” – yua unh hơyuh jơ̆ng 'năr vă tơ̆k hơdah kiơ̆ trong kơ 3 pơlei Jrai lơ̆m apŭng Đức Cơ, dêh char Gia Lai.
Tơdrong jang “Hơnglŏng pơlei pơla” 'nao keh đang tơ̆ 3 pơlei noh Nú (xah Ia Nan), pơlei Ghè (xah Ia Dơk) păng pơlei Ngo Rông (xah Ia Krêl), apŭng Đức Cơ. Tơdrong jang đei 146 jrăng unh led, đei kơjă jên asong jang hloh 404 triu hlj.
Tơdrong jang tơgŭm tơ̆k hơdah dôm jăl trong tơ̆ thôn, pơlei, xah, hnam hơkŭm tơpôl; tơgop vei sơđơ̆ng tơpôl chĭn trĭ lơ̆m tơring apŭng sơlam Đức Cơ. Thoi noh, lơ̆m sơnăm 2024, tơdrong jang “Hơnglŏng pơlei pơla” hlôi dăng đei hloh 18 km trong tơlei unh hơyuh, tơ̆k hơdah pơlei pơla kon pơlei kon kông tơ̆ tơring sơlam teh dêh char Gia Lai hăm kơsô̆ jên hloh 1,5 tih hlj.
Viết bình luận