Kiơ̆ kơ ‘noh, Hơnih tơm Chinh trĭ tơchơ̆t pơjao, pôk tơmơ̆t ƀok Nguyễn Hoàng Anh, Kơdră jang lơ̆m Trung ương Đảng, sơ̆ jang Ƀĭ thư Khul kơdră chĕp pơgơ̆r Đảng hăm yă Nguyễn Thúy Anh, Kơdră jang lơ̆m Trung ương Đảng, sơ̆ jang Kơdră chĕp pơgơ̆r Hơnih bơ̆ jang vei lăng Tơbôl kơ Kuô̆k hô̆i tŏk bơ̆ jang Kơ iĕng Kơdră chĕp pơgơ̆r Hơnih bơ̆ jang Tơdrong jang, trong jang kăl Trung ương. Ban Bí thư tơchơ̆t, pơjao, pôk tơmơ̆t ƀok Nguyễn Thế Mạnh, Kơdră chĕp pơgơ̆r Hơnih jang Ƀao hiêm tơpôl Việt Nam tŏk jang Kơ iĕng Kơdră chĕp pơgơ̆r Hơnih bơ̆ jang Tơdrong jang, trong jang kăl Trung ương. Tang măt Hơnih tơm Chinh trĭ, Ban Bí thư, pơjao ăn hla bơar tơchơ̆t păng pơkao hmach chơt hơ iă ăn rim Kơ iĕng Kơdră chĕp pơgơ̆r, Kơdră chĕp pơgơ̆r Hơnih bơ̆ jang Tơdrong jang, trong jang kăl Trung ương Trần Lưu Quang pơma hơdăh tơdrong pơjing đei tôm kơdră chĕp pơgơ̆r Hơnih bơ̆ jang tơƀôh hơdăh tơdrong lăng ba kơtang đơ̆ng Hơnih tơm Chinh trĭ, Ban Bí thư, mă kăl đơ̆ng Tổng Bí thư, tơgăl hăm tơdrong jang tôch trăp trĭn pơjao ăn Hơnih bơ̆ jang lơ̆m jăl ‘nao, yak mơ̆t lơ̆m chăl ‘nao kơ hơdrĕch hơdrung.