Pơma tơ̆ hop akŏm, Phŏ Bí thư chĕp kơ̆l pơgơ̆r, Đảng uỷ Grŭp dôm anih jang Trung ương Lại Xuân Lâm roi tơbăt, sơnăm 2025 jĭ sơnăm pơgơ̆r lơ tơdrong jang gĭt kăl kơ teh đak, yua thoi noh kơtă lơ̆m năr blŭng sơnăm 2025, dôm anih jang đảng athei akŏm kơtang, hăm jơhngơ̆m đon hơdrin hloh, pơnam hloh lơ̆m tơlĕch jang dôm hơnăp jang chĭnh trĭ; vei sơđơ̆ng bơ̆jang kiơ̆ tơdrong joăt jang đei hơnơ̆ng, hiôk, ưh khan yua kơ proh hơmet tŏ sĕt bơngai jang mă lê̆ pơdơh hơnăp jang chĭnh trĭ.

Mă loi ‘noh, hơnơ̆ng tơchĕng hơlen, kơchăng jang tơgŭm pơjing, tŏ sĕt khŭl jang kiơ̆ athei đơ̆ng Trung ương păng Tổng Bí thư hăm jơhngơ̆m đon “ kơdâu răh, pơrĕng răh”; lơ̆m noh lăng kăl tơlĕch ăn găh khŭl jang, ƀiên chê̆, kơsô̆ kang ƀô̆ joăt jang kơ dră đảng rim tơring, vei sơđơ̆ng dôm tơdrong jang tơgŭm ƀơm truh. Đơ̆ng noh, vă tơgop jang kiơ̆ jơnei kach mang găh tŏ sĕt bơngai jang, bơ̆jang đei yua - ‘lơ̆ng - jơnei.