Tơ̆ jơ hop akŏm, Thủ tướng akhan atŏk tơiung unh điên hat nhân, man hnam kơmăy unh điên hat nhân jĭ tơdrong tih kơ teh đak, tơdrong tôch pơmat, lơ tơdrong krê kơna athei akŏm jơhngâm, đon rơgei mă tơgăl, athei đĭ đăng rim anih jang chinh trĭ vang bơ̆ jang păng athei pơjing grŭp jang, grŭp tơgŭm ăn Anih pơgơ̆r jang.

Thủ tướng teh đak athei đei trong chih hơdăh bơngai jang, tơdrong jang, hơnăp jang, dôm tơdrong jang đei mă hơdăh, pơjing trong jang 5 sơnăm, trong jang rim sơnăm, kiơ̆ khei ‘năr athei jang kĕh rim tơdrong mă hơdăh, đơ̆ng noh ‘moi kiơ̆ trong jang, rim khei hop akŏm hơlen năng rim tơdrong jang vă tơlĕch jang trŏ tơdrong hơgăt, đei yoa ‘lơ̆ng.