Kiơ̆ tơroi tơbăt, sơnăm 2024, Khŭl kơdră teh đak, Thủ tướng Teh đak hlôi jang kiơ̆ dôm Tơdrong tơchơ̆t, pơtôch đơ̆ng Trung ương Đảng, Quốc hội vă pơgơ̆r, vei lăng ƀlep trong, kơna tơdrong mŭk drăm - tơpôl teh đak bơ̆n hơnơ̆ng tơiung ming tôch kơ ‘lơ̆ng; iŏk đei jơnei hơiă lơ̆m đĭ đăng rim tơdrong jang păng ‘lơ̆ng hloh kơ sơnăm 2023.

Pơma tơ̆ Hop akŏm, Thủ tướng Phạm Minh Chính pơma hơdăh, Hop akŏm tôch kơ chơt hơiă đei Tổng Bí thư Tô Lâm truh akŏm păng iung pơma pơgơ̆r. Ƀai iung pơma pơgơ̆r tôch kơ gĭt kăl păng tôm tơdrong đơ̆ng Tổng Bí thư tơpă jing tơdrong pơlung, pơtrŭt tih tên păng jing tơƀôh trong vă jang ‘lơ̆ng ăn Khŭl kơdră teh đak, rim kơdră, rim anih jang, rim tơring tơlĕch jang kiơ̆ hơnăp jang sơnăm 2025 păng tơ̆ hơnăp kơnh. Hơnăn kơ sơnăm 2025 jing “Bơ̆jang kiơ̆ tơnăp; kơchăng; đei yua; tŏk ‘lơ̆ng”, Khŭl kơdră teh đak, Thủ tướng teh đak akŏm pơgơ̆r bơ̆jang kiơ̆ hrơ̆ch dôm tơdrong tơchơ̆t, pơtôch đơ̆ng Đảng păng Quốc hội, akŏm lơ̆m 3 tơdrong jang gĭt kăl, 6 hơnăp jang tơm, 12 grŭp trong jang tơm păng 185 hơnăp jang hơdăh ‘lơ̆ng.