Pơma tơ̆ hop akom Thủ tướng Phạm Minh Chính pơma hơdăh, tơdrong bơ̆ jang dăr hơlen hăm Khul kơdră chĕp kơ̆l Đảng dêh char, plt đei: Plt Hồ Chí Minh, Bình Dương, Bà Rịa - Vũng Tàu ‘nŏh jĭ tơdrong jang gĭt kăl, athei bơ̆ jang mă tơpăt ‘lơ̆ng, đei đon jang đơ̆ng kơdih, athei jang ‘lơ̆ng tơdrong hơlen năng, tưk tơiung trong chep kơ̆l pơgơ̆r đơ̆ng Đảng, trong bơ̆ jang đơ̆ng Đảng lơ̆m noh đei tơdrong tơbral, hơlen năng kơdih athei mă kơchăng;

Mă loi jĭ hơlen năng đơ̆ng dôm anih chĕp kơ̆l Đảng đơ̆ng dêh char truh tơ̆ tơring, kăl hlŏh ‘nŏh đơ̆ng tơring yoa kon pơlei jĭ bơngai vă pơvih tơm đơ̆ng Đảng, jĭ tơdrong vă vei kơjăp ‘lơ̆ng tơdrong sơđơ̆ng lơ̆m tơpôl, vei kơjăp tơdrong pơm tơm teh đak, vă kon pơlei gơ̆h arih xa phĭ tơtŏ, dơnŏ ‘lơ̆ng, hiôk chơt. Thủ tướng athei đơ̆ng rŏng kơ hop akŏm âu, dôm tơring jăh chih tơlĕch trong jang, hla ar chih pơtho, gơih ăn Khul dăr hơlen vă tơchĕng hơlen; atŭm hăm ‘nŏh, klăih song hơnăp jang ăn dôm khul grŭp, rim bơngai iŏk jang, pơgơ̆r jang hơdoi hăm Khul dăr hơlen mưh bơ̆ jang.