Iung pơma pơrô̆ tơ̆ Hop akŏm, Kơdră chĕp pơgơ̆r Kuô̆k hô̆i Trần Thanh Mẫn hôn bơnê kơtang tơdrong bơ̆ jang kơ Hơnih bơ̆ jang Kuô̆k hô̆i, rim hơnih bơ̆ jang hlôi hơdrin kơtang, xek tơlang lơ tơdrong jang hăm iŏk jơnei ‘lơ̆ng hơ iă hloh. Pơma hơdăh sơnăm 2025 ‘noh sơnăm pơgơ̆r Hop akŏm tih Đang ƀô̆ rim hơnih, yak truh Hop akŏm tih kơdră tang măt lơ̆m teh đak ‘măng mă 14 kơ Đảng; hơmet ăn pôk rơ̆ih Kơdră tang măt Kuô̆k hô̆i jăl 16 păng pôk rơih kơdră tang măt Jơnŭm vei lăng kon pơlei rim hơnih jăl jang 2026 - 2031; sơnăm pơgơ̆r lơ tơdrong chinh trĭ kăl nhen tơbăt 95 sơnăm pơjing Đảng, 135 sơnăm năr rơneh Ƀok Hô, 50 sơnăm năr rơngei Tơring Pơbăh, teh đak rơngei keh kong, 80 sơnăm năr pơjing teh đak, hơmet ăn tơbăt 80 sơnăm Pôk rơ̆ih blŭng a Kuô̆k hô̆i Việt Nam, Kơdră chĕp pơgơ̆r Kuô̆k hô̆i Trần Thanh Mẫn athei Hơnih bơ̆ jang Kuô̆k hô̆i, Khul kơdră chĕp pơgơ̆r Đảng hơnih bơ̆ jang păng Công đoàn hơnơ̆ng atŏk kơtang jang kiơ̆ ‘lơ̆ng hơnăp jang, sơnong jang, tơgoăt pôm nơ̆r ƀơ̆r đon, tơchăr hơ iă vă jang keh đang tơdrong pơjao ăn.