110 ‘nu hơ ioh gơh hơgei đei pôk ăn hla bơar drơ̆ng nơ̆r Kôn mon kon sou gơ̆h hơgei kơ Ƀok Hô kơ dêh char tơ̆ Dak Lăk jĭ dôm bơngai hŏk hơgei oei sa ‘lơ̆ng păng dôm bơngai hơ ioh hơgei, chĕp pơgơ̆r đô̆i hơgei tang măt ăn hloh 300.000 ‘nu đô̆i viên, hơ ioh lơ̆m dêh char. Đe oh hlôi hơdrin hŏk pơhrăm ‘lơ̆ng, iung jang tôm tơdrong ‘lơ̆ng hơ iă, tơgop jơhngơ̆m tơ iung pơjing rim hơnih pơchơt pơ hiơ̆ ‘măn ăn đe hơ ioh păng tơgŭm djru bôl boăl tơnap tap hăm dôm tơdrong jang mă kơdih kĕ jang. Vang năm Hop akŏm tih, Kôn mon kon sou hơgei kơ Ƀok Hô dêh char Dak lăk 'măng mă 11, rim đe oh đei vang iung jang tơmang lăng Bia Nam tiến păng tơroi tơbăt dôm tơdrong hŏk pơhrăm ou to ăn kơ Ƀok Hô; năm ngôi hăm Yă Mĕ Việt Nam nuih mơng; pơgơ̆r pơchơt “Hơ ioh Dak Lăk pôm nơ̆r ƀơ̆r đon, chu ngoa” tơ̆ Hơnih tơgum djru atŏk tơ iung pơtho pơhrăm hơ ioh hơven hơvo jo jăn; vang pơchơt pơ hiơ̆ hơ ioh chơt hơ iă, pran jăng, hŏk pơhrăm rơbou tơdrong hơ iă.