Tơ̆ jơ hop akŏm, Hơnih tơm kŏng ang tơbăt, găh sơnong jang, tơdrong jang kơ Hơnih tơm gô hơnơ̆ng tơmơ̆t iŏk 5 tơdrong jang đơ̆ng rim hơnih tơm, hơnih bơ̆ jang. Kŏng ang tơring đei hơmet pơ ‘lơ̆ng, pơm kơtoei ‘lơ̆ng lăp pă dêh char păng tơring. Lơ̆m ‘măng hơmet ming, pơm kơtoei ‘măng mă ou, khul kŏng ang hơnơ̆ng pơm tơjur 1 Cục, tơjur 7 hơnih jang, 694 Kŏng ang apŭng; tơjur vă jê̆ 6.000 khul (găh Kŏng ang apŭng). Hơnih tơm Kŏng ang hlôi iung jang hơdoi hăm Dăr lăng hơlen tơm, Hơnih xek tơlang tơm chă tơchĕng hơlen, tơ iung pơjing, tơlĕch Tơdrong tơchơ̆t hơdoi vă xek tơlang tôm tong rim tơdrong lơ̆m iung jang hơdoi găh bơ̆ jang dăr lăng hơlen, rôp chĭt, xek tơlang ƀar păh hơnih bơ̆ jang dăr lăng hăm Hơnih Dăr lăng hơlen tơm, Hơnih tơm Xek tơlang tơ̆ tơring mưh pă đei hơnih Kŏng ang apŭng bơih.