Đơ̆ng rŏng kơ set hơlen pơma dơnuh, Jơnŭm pơgơ̆r kon pơlei dêh char Đắk Lắk hlôi pơdrơ̆ng kiơ̆ 2 tơdrong tơchơ̆t ‘noh đei; Tơchơ̆t “Hơgăt kơjă hơdăh pơvih pơvăn khăm jĭ, hơmet jĭ đơ̆ng dôm hơnih jang pơgang teh đak lơ̆m dêh char Đắk Lắk ” păng Tơdrong tơchơ̆t “Hơgăt jên kla ăn khŭl jang pơvih pơvăn bơ̆jang kiơ̆ kla jên tơgŭm tơpôl ăn dôm bơngai vei lăng tơgŭm tơpôl”.

Yă Huỳnh Thị Chiến Hoà, Kơdră Jơnŭm pơgơ̆r kon pơlei dêh char Đắk Lắk akhan: Pơđĭ 2 tơdrong tơchơ̆t đei pơdrơ̆ng kiơ̆ hăm tơdrong drơ̆ng lăp lơ, tơƀôh tơdrong hơdrin đơ̆ng dêh char lơ̆m tơdrong vei lăng tơdrong hơrih sa păng jơhngơ̆m pran kon pơlei. Jơnŭm pơgơ̆r kon pơlei dêh char athei Anih vei lăng kon pơlei dêh char athei dôm anih jang, tơring tơtĕnh tơlĕch jang kiơ̆ đei yua, ‘lơ̆ng dôm tơdrong tơchơ̆t tơlĕch ăn tơ̆ ‘măng hop akŏm.