Khŭl chĕp kơ̆l pơgơ̆r Anih jang Đảng dêh char Quảng Ngãi păng Kon Tum hop akŏm hơnơ̆ng ‘măng mă 2 găh tơdrong tơmơ̆t hơdai 2 tơring
Thứ ba, 10:16, 13/05/2025
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Tơ̆ dêh char Quảng Ngãi, Khŭl chĕp kơ̆l pơgơ̆r Anih jang Đảng dêh char Quảng Ngãi păng Khŭl chĕp kơ̆l pơgơ̆r Anih jang Đảng dêh char Kon Tum pơgơ̆r jơ bơ̆jang ‘măng mă 2 ăn tơgop nơ̆r 1,2 tơdrong ƀơm truh tơdrong tơmơ̆t hơdai 2 tơring, ăn tơgop nơ̆r găh Hla ar chih pơtruh ăn Hop akŏm bơngai tang măt Đảng bộ dêh char Quảng Ngãi (‘nao) jăl jang 2025- 2030.
Tơ̆ jơ bơ̆jang, Khŭl chĕp kơ̆l pơgơ̆r Anih jang Đảng 2 dêh char pơma dơnuh, tơgop nơ̆r hăm hla ar chih pơtruh ăn Hop akŏm Đảng bộ dêh char Quảng Ngãi (‘nao) jăl jang 2025 - 2030; pơma dơnuh găh tơdrong proh hơmet, hơmet ăn hnam oei tơpôl ăn kang ƀô̆, bơngai jang đơ̆ng rŏng kơ proh hơmet dêh char Quảng Ngãi păng dêh char Kon Tum.
Jăl jang truh, dêh char Quảng Ngãi ‘nao hơdrin hơtŏk hrĕnh akŏm tơmam lơ̆m tơring (GRDP) jô̆ păh lăp jăl jang 2026 - 2030 đơ̆ng 10% 1ớơnăm tơ̆ kơpal; Truh sơnăm 2030, GRDP jô̆ păh lăp kơ̆l bơngai dang 7.100 - 7.200 đô la Mi.
Viết bình luận