Grŭp bơ̆jang hlôi pơgơ̆r chih iŏk, lăng rơih hla ar ƀơm truh. Dôm anih joăt jang đei athei roi tơblang, pơm rơđăh rim tơdrong tơhlăk lơ̆m rim tơdrong. Gơnang đơ̆ng noh, tơdrong hơlen lăng, dăr lăng đei tŭn hrĕnh păng lơ tơdrong hơnat hlôi đei trong hơmet pơ ‘lơ̆ng rơđăh. Kăl kơ lăng truh, hăm tơdrong jang hơdai ‘lơ̆ng đơ̆ng Grŭp bơ̆jang kơ dêh char Gia Lai păng khŭl dăr hơlen kơ Khŭl kơdră teh đak, 1 tơdrong hlôi đei hơmet pơ ‘lơ̆ng pơtôch.

Đơ̆ng rŏng tơdrong roi tơbăt, krao hơvơn, kơdih bơngai tơkêng hlôi lăp đon hăm trong jang hơmet pơ ‘lơ̆ng, hơdai hăm pơkăp ưh kơ tơkêng dơ̆ng... Tơ̆ jơ bơ̆jang, Phŏ Anih dăr hơlen kơ Khŭl kơdră teh đak Lê Tiến Đạt athei dêh char Gia Lai hơnơ̆ng pơgơ̆r kơtang hloh dơ̆ng dôm anih jang ƀơm truh vă dăr hơlen, băt hơdăh tơdrong, tang găn tôch ai tơdrong tơkêng ăn kơdră kơpal, tang găn đei ƀôh dôm tơdrong krê hơmơt ‘nao.