Ƀok Tổng Bí thư Tô Lâm, Kơdră teh đak bơ̆n Lương Cường păng Thủ tướng teh đak bơ̆n Phạm Minh Chính sơkơ̆t hơdah: Việt Nam lăng Hoa Kỳ jĭ teh đak jang hadoi kăp gĭt.

Kiơ̆ dôm tơdrong jang hơtŏk 'lơ̆ng lơ̆m jang tơbôl kơ 2 teh đak khei năr âu ki, Ƀok Tổng Bí thư Tô Lâm, Kơdră teh đak bơ̆n Lương Cường păng Thủ tướng teh đak bơ̆n Phạm Minh Chính lui ngeh hăm tơdrong pơgơ̆r jang păng tơgŭm đơ̆ng Ƀok Donald Trump, tơbôl Việt Nam - Hoa Kỳ gô pơtoi hơtŏk kơjăp kiơ̆ pơkăp tơgĭt tơdrong pơgơ̆r kơdih păng trong jang chĭnh trĭ kơdih băl, kơyuơ tơdrong rơngei sơđơ̆ng, jang hadoi păng hơtŏk kơjăp sơđơ̆ng lơ̆m apŭng plenh teh, mă kăl noh ah 'măng 2 teh đak tơbăt 30 sơnăm năr iung jang tơbôl (1995 - 2025) păng 02 sơnăm jang Hadoi tôm tơdrong Việt Nam - Hoa Kỳ. Atŭm năr, Phŏ Kơdră teh đak Võ Thị Ánh Xuân adoi pơtruh kơthơ hmach hơ-iă ăn kơ Phŏ Kơdră teh đak noh James David Vance.